Ҳижоб кийган биринчи фигурали учувчи нималарни орзу қилмоқда?

04.03.2019 | Спорт | 5712

Ҳижоб кийган биринчи фигурали учувчи – БААлик Заҳа Лари мусобақаларда иштирок этиши учун Фигурали учиш халқаро федерацияси мусобақа қоидаларини ўзгартиришга рози бўлди.

Гап шундаки фигурали учиш спортида бош кийимда иштирок этиш мумкин эмас. Бошида федерация қаршилик кўрсатган эди, лекин кейинчалик улар мусулмон мамлакатидан бўлган спортчининг вазиятини тушуниб розилик беришди.

Россиянинг Красноярск шаҳрида бўлиб ўтаётган қишги спорт универсиадасида ушбу мавзу энг кўп муҳокама қилинган мавзулардан бири бўлди.

БААлик Заҳа Лари 24 ёшда. У ўз мамлакати номидан фигурали учиш бўйича халқаро спорт мусобақаларида тақдим этаётган биринчи спортчи бўлди. Россия телеканалига берган интервьюсида Лари БААда ушбу спорт тури билан шуғулланишда дуч келаётган мушкулликлар ҳақида сўзлаб берди.

“Бизда энг катта муаммо бу – муз майдончаларининг йўқлигидир. Бизда ягона қишги спорт мажмуаси Абу Дабида жойлашган. У ерда хоккей ўйналади”, - дейди Лари.

Шунга қарамасданинг ҳамюртлари спортчини илиқ қўллаб-қувватлаб туришади. Кучада таниб қолишса унга омад тилашади.

Заҳа Ларининг энг катта орзуси Пекинда 2022 йилда бўлиб ўтиши режалаштирилаётган қишги Олимпия ўйинларида иштирок этишдир.